Գաղտնիության քաղաքականություն
Ինչ տեղեկություններ ենք ստանում Ձեր մասին, ինչու են դրանք մեզ պետք և ուրիշ ով է տեսնում դրանք։
Վերջին թարմացումը՝ 13 նոյեմբերի 2026
Ով ենք մենք
Այս կայքը պատկանում է M.Zaqarian գեղեցկության սրահին՝ Պուշկինի փողոց 31, Երևան 0002, Հայաստան։ Այս էջում նկարագրված անձնական տվյալների համար պատասխանատու ենք մենք։
Ինչ տվյալներ ենք հավաքում
Կայքը դիտելու համար ոչինչ հայտնել պետք չէ․ այստեղ չկան հաշիվներ, բաժանորդագրություն կամ ձևեր։ Ինչպես ցանկացած կայքի դեպքում, յուրաքանչյուր այցի ժամանակ սերվերը տեսնում է Ձեր IP հասցեն, բրաուզերի տվյալները և ժամը։
Ամրագրելիս կխնդրենք Ձեր անունը և հեռախոսահամարը, իսկ ցանկության դեպքում՝ էլ․ փոստի հասցեն և մեկնաբանություն։ Խնդրում ենք մեկնաբանության մեջ չգրել Ձեր առողջության մասին։
Եթե զանգահարեք մեզ կամ գրեք WhatsApp-ով, Telegram-ով, Instagram-ով կամ Facebook-ով, մենք կստանանք այն, ինչ ինքներդ կուղարկեք։
Ինչի համար ենք օգտագործում
Ամրագրման տվյալները մեզ պետք են Ձեր այցի ժամն ամրագրելու, այն հաստատելու և փոփոխության դեպքում Ձեզ տեղեկացնելու համար։ Այլ նպատակներով դրանք չեն օգտագործվում։
Մշակման իրավական հիմքերն են Ձեր համաձայնությունը և ծառայության մատուցման պայմանագիրը, իսկ առանձին դեպքերում՝ օրենքի ուղղակի պահանջը («Անձնական տվյալների պաշտպանության մասին» ՀՀ օրենք)։
Google քարտեզը
«Կապ» էջի քարտեզը բեռնվում է Google-ի սերվերներից։ Երբ էջը բացվում է, Google-ը ստանում է Ձեր IP հասցեն, բրաուզերի տվյալները և մեր կայքի հասցեն, իսկ եթե մուտք եք գործել Google հաշիվ, կարող է այցը կապել այդ հաշվի հետ։ Այստեղ գործում է Google-ի գաղտնիության քաղաքականությունը։
Քուքիներ
Քուքին (cookie) փոքր ֆայլ է, որը կայքը կարող է թողնել Ձեր բրաուզերում՝ հաջորդ այցի ժամանակ այն ճանաչելու համար։
Կայքն ինքը քուքիներ չի տեղադրում, Ձեր բրաուզերում ոչինչ չի պահում և չի օգտագործում վերլուծական կամ գովազդային գործիքներ ու պիքսելներ։
Առայժմ առցանց ամրագրումը կատարվում է Altegio ծառայության էջում․ դա առանձին կայք է՝ իր կանոններով և քուքիներով, որոնցից մի քանիսը պահվում են մինչև 400 օր։ Այնտեղ գործում է Altegio-ի գաղտնիության քաղաքականությունը։
Քուքիները կարող եք ջնջել կամ արգելափակել բրաուզերի կարգավորումներում։
Հայաստանից դուրս
Altegio-ն տվյալները պահում է Գերմանիայում։ Cloudflare-ը և Google-ը գործում են Ամերիկայի Միացյալ Նահանգներից և կարող են տվյալները մշակել այնտեղ։ Այդ փոխանցումն անհրաժեշտ է կայքի և ամրագրման աշխատանքի համար (օրենքի 27-րդ հոդված)։
Որքան ժամանակ ենք պահպանում
Ամրագրման տվյալները մնում են ամրագրման համակարգում այնքան ժամանակ, որքան մենք այն օգտագործում ենք, բացառությամբ այն դեպքերի, երբ Դուք խնդրում եք դրանք ավելի շուտ ջնջել, կամ օրենքն այլ բան է պահանջում։ Սերվերի գրառումները պահվում են ոչ ավելի, քան յոթ օր։
Ձեր իրավունքները
Դուք իրավունք ունեք իմանալու, թե Ձեր որ տվյալներն ենք մշակում և ինչու, ծանոթանալու դրանց, պահանջելու դրանք ուղղել, ուղեփակել կամ ոչնչացնել, ինչպես նաև հետ կանչելու Ձեր համաձայնությունը։ Պատասխանում ենք հինգ աշխատանքային օրվա ընթացքում, անվճար։
Առանց անվան և հեռախոսահամարի չենք կարող Ձեզ համար ժամ ամրագրել։
Երեխաներ
Մինչև 16 տարեկան անչափահասի համար համաձայնությունը տալիս է նրա ծնողը կամ այլ օրինական ներկայացուցիչը։
Փոփոխություններ
Քաղաքականության փոփոխության դեպքում կթարմացնենք այս էջը և վերևի ամսաթիվը։
Կապ մեզ հետ
- Էլ․ փոստ
- mzaqarian@gmail.com
- Հեռախոս
- +374 99 53 52 88, +374 10 53 52 88
Եթե մեր պատասխանը Ձեզ չի բավարարում, կարող եք դիմել ՀՀ արդարադատության նախարարության Անձնական տվյալների պաշտպանության գործակալությանը կամ դատարան։